दक्षिण पूर्व मध्य रेल्वेच्या नागपूर विभागाने अप्रेंटीशीप कायदा 1961 आणि नियम 1992 नुसार नागपूर विभाग आणि मोतीबाग वर्कशॉपमध्ये विविध पदांच्या भरतीसाठी अधिकृत जाहिरात जारी केली आहे. या भरतीद्वारे एकूण 1007 रिक्त जागा भरल्या जाणार आहेत आणि यासाठी इच्छुक उमेदवारांकडून ऑनलाईन अर्ज मागविण्यात येत आहेत. अर्ज करण्याची प्रक्रिया ५ एप्रिल २०२५ पासून सुरू होत आहे आणि अर्ज सादर करण्याची अंतिम तारीख ४ मे २०२५ आहे. या भरती प्रक्रियेसंबंधी अधिक माहिती या लेखात जाणून घेऊ.
नागपूर विभागात भरण्यात येणारी पदे
या भरती अंतर्गत नागपूर विभागात फिटरच्या ६६ जागा, सुतारच्या ३९ जागा, वेल्डरच्या १७ जागा, कोपाच्या सर्वाधिक १७० जागा, इलेक्ट्रिशियनच्या २५३ जागा, स्टेनोग्राफर (इंग्रजी) / सचिवीय सहाय्यकच्या २० जागा, प्लंबरच्या ३६ जागा, पेंटरच्या ५२ जागा, वायरमनच्या ४२ जागा आणि इलेक्ट्रॉनिक्स मेकॅनिकच्या १२ जागा भरल्या जाणार आहेत.
यासोबतच डिझेल मेकॅनिकच्या ११० जागा, मशिनिस्टच्या ५ जागा, टर्नरच्या ७ जागा, दंत प्रयोगशाळा तंत्रज्ञ आणि रुग्णालयातील कचरा व्यवस्थापन तंत्रज्ञ यांच्या प्रत्येकी १ जागा, आरोग्य स्वच्छता निरीक्षकाच्या १ जागा, स्टेनोग्राफर (हिंदी) च्या १२ जागा, केबल जॉइंटरच्या २१ जागा, डिजिटल छायाचित्रकाराच्या ३ जागा, ड्रायव्हर-कम-मेकॅनिक (हलके मोटार वाहन) च्या ३ जागा, मेकॅनिक मशीन टूल देखभालीच्या १२ जागा आणि मेसन (इमारत बांधकाम करणारा) च्या ३६ जागांसाठी भरती केली जाईल. अशा प्रकारे नागपूर विभागात एकूण ९१९ पदांची भरती होणार आहे.
मोतीबाग वर्कशॉप येथे भरण्यात येणारी पदे
या भरती अंतर्गत मोतीबाग वर्कशॉपमध्ये फिटर या पदासाठी सर्वाधिक ४४ जागा रिक्त आहेत. त्यापाठोपाठ वेल्डरच्या ९ जागा, टर्नरच्या ४ जागा आणि इलेक्ट्रीशियनच्या १८ जागा उपलब्ध आहेत. तसेच, COPA पदासाठी १३ जागांची भरती केली जाणार आहे. अशा प्रकारे, मोतीबाग वर्कशॉपमध्ये एकूण ८८ रिक्त पदांसाठी भरती करण्यात येत आहे.
अर्जदारासाठी वयोमर्यादा
दिनांक ५ मे २०२५ रोजी अर्जदाराचे वय किमान १५ वर्षे आणि कमाल २४ वर्षे असणे आवश्यक आहे. अनुसूचित जाती (SC) आणि अनुसूचित जमाती (ST) प्रवर्गातील उमेदवारांना कमाल वयोमर्यादेत ५ वर्षांची सूट दिली आहे. इतर मागासवर्गीय (OBC) उमेदवारांसाठी ही सूट ३ वर्षांची आहे. दिव्यांग (PWBD) आणि माजी सैनिक (Ex-Serviceman) साठी कमाल वयोमर्यादेत १० वर्षांची विशेष सवलत लागू असेल.
आवश्यक शैक्षणिक पात्रता
उमेदवाराकडे आवश्यक शैक्षणिक पात्रता म्हणून किमान ५०% गुणांसह मॅट्रिक्युलेशन (१०वी) उत्तीर्णतेचे प्रमाणपत्र असणे आवश्यक आहे. यासोबतच, त्यांच्याकडे NCVT किंवा SCVT द्वारे मान्यताप्राप्त संस्थेकडून संबंधित ट्रेडमधील ITI प्रमाणपत्र असणे देखील आवश्यक आहे.
निवड प्रक्रिया
निवड प्रक्रिया गुणवत्ता यादीवर आधारित असेल. ही गुणवत्ता यादी उमेदवारांनी मॅट्रिक्युलेशनमध्ये मिळवलेल्या गुणांची टक्केवारी (किमान ५०% गुणांसह) आणि त्यांनी निवडलेल्या ट्रेडमधील आयटीआय गुणांच्या आधारावर असेल. जर दोन उमेदवारांचे गुण समान असतील, तर जास्त वय असलेल्या उमेदवाराला प्राधान्य दिले जाईल. अर्ज करताना उमेदवारांना नागपूर विभाग किंवा मोतीबाग कार्यशाळा यापैकी एक पर्याय निवडणे आवश्यक आहे.
हे पण वाचा » जनसेवा अर्बन मल्टीस्टेट अंतर्गत शाखाधिकारी, क्लार्क आणि शिपाई पदांची भरती
एवढा पगार दिला जाईल
प्रशिक्षण घेत असलेल्या उमेदवारांना प्रचलित नियमांनुसार मानधन दिले जाईल. दोन वर्षांच्या आयटीआय अभ्यासक्रमासाठी उमेदवारांना दरमहा रु. ८०५०/- मानधन मिळेल, तर 1 वर्षाच्या आयटीआय अभ्यासक्रमासाठी हे मानधन रु. ७७००/- प्रति महिना असेल.
अर्ज कसा करायचा ?
उमेदवारांनी त्यांचे अर्ज केवळ https://www.apprenticeshipindia.gov.in या अधिकृत वेबसाईटवर ऑनलाइन पद्धतीनेच भरायचे आहेत. अर्ज भरताना, उमेदवारांनी त्यांचे ITI आणि इयत्ता दहावीचे गुण अत्यंत काळजीपूर्वक नमूद करावेत.
उमेदवारांना महत्वाच्या सूचना
उमेदवारांनी, कागदपत्र पडताळणीच्या वेळी आवश्यक मूळ प्रमाणपत्रे सादर करावी लागतील. तसेच, कागदपत्र पडताळणीसाठी उपस्थित राहणाऱ्या उमेदवारांना कोणत्याही प्रकारचा दैनिक भत्ता, वाहतूक भत्ता किंवा प्रवास खर्च दिला जाणार नाही. निवड प्रक्रिया पूर्ण झाल्यावर कोणत्याही उमेदवाराची विभाग किंवा युनिट बदलण्याची विनंती मान्य केली जाणार नाही. अर्ज प्रक्रियेसंबंधी काही अडचण किंवा तक्रार असल्यास, उमेदवार सोमवार ते शुक्रवार (सकाळी १०:०० ते सायंकाळी ५:३०) या वेळेत ८७६७६१०४३७ या क्रमांकावर संपर्क साधू शकतात किंवा विभागीय कार्मिक कार्यालय, किंग्सवे, नागपूर-४४०००१ येथे प्रत्यक्ष भेट देऊ शकतात.
महत्त्वाच्या लिंक्स
| अधिकृत जाहिरात | येथे क्लिक करा |
| ऑनलाईन अर्ज | येथे क्लिक करा |
| अधिकृत वेबसाईट | येथे क्लिक करा |