नवी मुंबई महानगरपालिकेत १० वी पास ते पदवीधरांसाठी 620 जागांसाठी नोकरीची संधी!

नवी मुंबई: शहरात सरकारी नोकरी शोधणाऱ्या इच्छुक उमेदवारांसाठी एक महत्त्वाची संधी उपलब्ध झाली आहे. नवी मुंबई महानगरपालिकेने गट- क आणि गट- ड संवर्गातील विविध पदांसाठी भरती प्रक्रिया सुरू केली आहे आणि त्यासंबंधीची जाहिरात प्रसिद्ध केली आहे. ही भरती थेट निवड प्रक्रियेद्वारे पार पडणार असून, आवश्यक शैक्षणिक पात्रता आणि इतर नियम व अटींची पूर्तता करणाऱ्या उमेदवारांना ऑनलाईन पद्धतीने अर्ज सादर करण्याचे आवाहन करण्यात आले आहे.

या भरतीमध्ये प्रशासन, अभियांत्रिकी, तंत्रज्ञान, लेखा आणि वित्त, उद्यान, सार्वजनिक आरोग्य, निमवैद्यकीय अशा विविध क्षेत्रांतील पदांचा समावेश आहे. जाहीर केलेल्या अधिसूचनेनुसार, गट- क आणि गट- ड प्रवर्गातील एकूण 620 रिक्त जागांसाठी ही भरती आयोजित केली जात आहे. इच्छुक उमेदवार या पदांसाठी 28 मार्च 2025 पासून ते 11 मे 2025 पर्यंत ऑनलाईन अर्ज करू शकतात. या भरतीसाठी पात्र असलेल्या उमेदवारांनी नवी मुंबई महानगरपालिकेच्या अधिकृत संकेतस्थळाला https://nmmc.gov.in/ ला भेट देऊन 11 मे 2025 रोजी रात्री 11:55 पर्यंत आपले अर्ज ऑनलाईन पद्धतीने भरायचे आहेत. नवी मुंबई महानगरपालिका भरती २०२५ विषयीची अधिक माहिती या लेखात पुढे दिली आहे.

पदे आणि रिक्त जागांची संख्या

नवी मुंबई महानगरपालिकेच्या भरती अंतर्गत विविध पदांसाठी रिक्त जागांची घोषणा करण्यात आली आहे. त्यानुसार,

• बायोमेडिकल इंजिनिअरसाठी १ जागा
• कनिष्ठ अभियंता (स्थापत्य) साठी ३५ जागा
• कनिष्ठ अभियंता (बायोमेडिकल इंजिनिअरिंग) साठी ६ जागा
• बागकाम अधीक्षकसाठी १ जागा
• सहाय्यक माहिती आणि जनसंपर्क अधिकारी पदासाठी १ जागा
• वैद्यकीय सामाजिक कार्यकर्त्यांसाठी १५ जागा
• दंत स्वच्छतातज्ज्ञांसाठी ३ जागा
• स्टाफ नर्स/नर्स मिडवाइफ (जी.एनएम.) साठी सर्वाधिक १३१ जागा
• डायलिसिस टेक्निशियनसाठी ४ जागा
• स्टॅटिस्टिकल असिस्टंटसाठी ३ जागा
• ईसीजी टेक्निशियनसाठी ८ जागा
• सी.एसएस.डी. टेक्निशियन (केंद्रीय शल्यक्रिया पर्यवेक्षण विभाग) साठी ५ जागा
• आहार तंत्रज्ञासाठी १ जागा
• नेत्र सहाय्यकसाठी १ जागा
• औषध उत्पादक/औषध उत्पादन अधिकाऱ्यांसाठी १२ जागा
• आरोग्य सहाय्यक (महिला) साठी १२ जागा
• बायोमेडिकल इंजिनिअर सहाय्यकसाठी ६ जागा
• पशुधन पर्यवेक्षकासाठी २ जागा
• सहाय्यक नर्स मिडवाइफ (ए.एन.एम.) साठी ३८ जागा
• बहुउद्देशीय आरोग्य कर्मचाऱ्यांसाठी (उष्णता) ५१ जागा
• ऑपरेटिंग रूम असिस्टंटसाठी १५ जागा
• सहाय्यक ग्रंथपालसाठी ८ जागा
• वायरमनसाठी २ जागा
• ध्वनी ऑपरेटरसाठी १ जागा
• बागकाम सहाय्यकसाठी ४ जागा
• लिपिक-टंकलेखक पदासाठी १३५ जागा
• लेखाकार पदासाठी ५८ जागा
• शवविच्छेदन सहाय्यकसाठी ४ जागा
• लिपिक/नॅनी पदासाठी २८ जागा आणि लिपिक (वॉर्डबॉय) पदासाठी २९ जागा उपलब्ध आहेत.

पदांनुसार शैक्षणिक पात्रता खालीलप्रमाणे आहेत

• बायोमेडिकल इंजिनिअर पदासाठी बायोमेडिकल इंजिनिअरिंगमधील पदवी किंवा पदविका आणि २ वर्षांचा अनुभव आवश्यक आहे.
• कनिष्ठ अभियंता (स्थापत्य) पदाकरिता स्थापत्य अभियांत्रिकीमधील पदवी आवश्यक आहे.
• कनिष्ठ अभियंता (बायोमेडिकल इंजिनिअर) पदासाठी बायोमेडिकल इंजिनिअरिंगमधील पदवी किंवा पदविका आणि २ वर्षांचा अनुभव असणे गरजेचे आहे.
• उद्यान अधिक्षक पदासाठी कृषी किंवा वनस्पतीशास्त्रमधील पदवी आवश्यक आहे.
• सहाय्यक माहिती व जनसंपर्क अधिकारी पदाकरिता कोणत्याही शाखेतील पदवी, पत्रकारितामधील पदविका आणि ३ वर्षांचा अनुभव आवश्यक आहे.
• वैद्यकीय समाजसेवक पदासाठी समाजशास्त्रमधील पदव्युत्तर पदवी किंवा एम.एस.डब्ल्यू. आणि २ वर्षांचा अनुभव आवश्यक आहे.
• डेंटल हायजिनिस्ट पदासाठी १२वी विज्ञान उत्तीर्ण आणि दंत आरोग्य तज्ञ परीक्षा उत्तीर्ण तसेच २ वर्षांचा अनुभव आवश्यक आहे.
• स्टाफ नर्स/नर्स मिडवाईफ पदासाठी बी.एस्सी. (नर्सिंग) किंवा जी.एन.एम. आणि २ वर्षांचा अनुभव आवश्यक आहे.
• डायलिसीस तंत्रज्ञ पदासाठी विज्ञान शाखेतील पदवी किंवा डी.एम.एल.टी. आणि डायलिसीस अभ्यासक्रम पूर्ण केलेला तसेच २ वर्षांचा अनुभव आवश्यक आहे.
• सांख्यिकी सहाय्यक पदासाठी सांख्यिकीमधील पदवी आणि २ वर्षांचा अनुभव आवश्यक आहे.
• ई.सी.जी. तंत्रज्ञ पदासाठी भौतिकशास्त्र किंवा इलेक्ट्रॉनिक्समधील पदवी आणि ई.सी.जी. प्रशिक्षण घेतलेले तसेच २ वर्षांचा अनुभव आवश्यक आहे.
• सी.एस.एस.डी. तंत्रज्ञ पदासाठी सूक्ष्मजीवशास्त्रमधील पदवी आणि २ वर्षांचा अनुभव आवश्यक आहे.
• आहार तंत्रज्ञ पदासाठी फूड अँड न्युट्रिशन किंवा न्युट्रिशन अँड डाएटीशियनमधील पदवी किंवा पदव्युत्तर पदवी आणि २ वर्षांचा अनुभव आवश्यक आहे.
• नेत्रचिकित्सा सहाय्यक पदासाठी १२वी विज्ञान उत्तीर्ण आणि ऑप्थॉल्मिक असिस्टंट किंवा ऑप्टीमेट्रीमधील पदवी किंवा पदविका तसेच २ वर्षांचा अनुभव आवश्यक आहे.
• औषध निर्माता/औषध निर्माण अधिकारी पदासाठी बी.फार्म आणि नोंदणी प्रमाणपत्र तसेच २ वर्षांचा अनुभव आवश्यक आहे.
• आरोग्य सहाय्यक (महिला) पदासाठी १२वी विज्ञान उत्तीर्ण, २ वर्षांचा अनुभव आणि आवश्यक प्रशिक्षण घेतलेले असणे गरजेचे आहे.
• बायोमेडिकल इंजिनियर सहाय्यक पदासाठी १०वी उत्तीर्ण आणि इलेक्ट्रॉनिक्स मॅकेनिक अभ्यासक्रम पूर्ण केलेला तसेच २ वर्षांचा अनुभव आवश्यक आहे.
• पशुधन पर्यवेक्षक पदासाठी १२वी उत्तीर्ण आणि पशुसंवर्धनमधील पदविका तसेच २ वर्षांचा अनुभव आवश्यक आहे.
• ऑक्झिलरी नर्स मिडवाईफ पदासाठी १०वी उत्तीर्ण आणि ए.एन.एम. तसेच नोंदणी प्रमाणपत्र आवश्यक आहे.
• बहुउद्देशीय आरोग्य कर्मचारी पदासाठी १२वी विज्ञान उत्तीर्ण आणि आवश्यक प्रशिक्षण घेतलेले असणे गरजेचे आहे.
• शस्त्रक्रियागृह सहाय्यक पदासाठी १२वी विज्ञान उत्तीर्ण आणि २ वर्षांचा अनुभव आवश्यक आहे.
• सहाय्यक ग्रंथपाल पदासाठी ग्रंथालय शास्त्रातील पदवी आवश्यक आहे.
• वायरमन पदासाठी १०वी उत्तीर्ण आणि तारातंत्र्य अभ्यासक्रम तसेच एन.सी.टी.व्ही.टी. प्रमाणपत्र आणि ३ वर्षांचा अनुभव आवश्यक आहे.
• ध्वनी चालक पदासाठी १०वी उत्तीर्ण आणि रेडिओ/टी.व्ही. अभ्यासक्रम पूर्ण केलेला असणे आवश्यक आहे.
• उद्यान सहाय्यक पदासाठी कृषी किंवा वनस्पतीशास्त्रमधील पदवी आवश्यक आहे.
• लिपीक-टंकलेखक पदासाठी कोणत्याही शाखेतील पदवी आणि टंकलेखन प्रमाणपत्र आवश्यक आहे.
• लेखा लिपीक पदासाठी वाणिज्य शाखेतील पदवी आणि टंकलेखन प्रमाणपत्र आवश्यक आहे.
• शवविच्छेदन मदतनीस पदासाठी १०वी उत्तीर्ण आणि २ वर्षांचा अनुभव आवश्यक आहे.
• कक्षसेविका/आया आणि कक्षसेवक या दोन्ही पदांसाठी १०वी उत्तीर्ण आणि २ वर्षांचा अनुभव आवश्यक आहे.

हे पण वाचा » डॉ. पंजाबराव देशमुख कृषी विद्यापीठ येथे ७ वी ते पदवीधरांना सरकारी नोकरीची संधी!

अराखीव म्हणजेच खुल्या प्रवर्गातील उमेदवारांसाठी अर्ज करण्याची किमान वयोमर्यादा १८ वर्षे असून कमाल वयोमर्यादा ३८ वर्षे आहे. तर, मागास प्रवर्गातील उमेदवारांसाठी अर्ज करण्याची किमान वयोमर्यादा १८ वर्षे आणि कमाल वयोमर्यादा ४३ वर्षे आहे.

महत्वाच्या तारखा आणि सूचना

ऑनलाईन अर्ज नोंदणी दि. 28 मार्च 2025 पासून सुरू होईल. ऑनलाईन अर्ज सादर करण्याची अंतिम तारीख 11 मे 2025 असून, रात्री 11.55 पर्यंत अर्ज भरता येईल. त्याचप्रमाणे, ऑनलाईन परीक्षा शुल्क भरण्याची शेवटची तारीख देखील 11 मे 2025 आहे. परीक्षेसाठी ऑनलाईन प्रवेशपत्र परीक्षेच्या 7 दिवस आधी उपलब्ध होतील. ऑनलाईन परीक्षेची तारीख नवी मुंबई महानगरपालिकेच्या वेबसाइटवर नमूद केली जाईल. मागास प्रवर्ग आणि अनाथ प्रवर्गातील अर्जदारांसाठी शुल्क ९०० रुपये आहे. तर, खुल्या प्रवर्गातील अर्जदारांना १००० रुपये शुल्क आकारले जाईल.

महत्वाच्या लिंक्स